Já hvur þremillinn. Tæplega tvær vikur og ég er orðinn ansi spenntur. Búinn að kíkja í Kríuna með hjólið og fá Emil til að segja mér að þetta verði allt í lagi. Sýndi mér fína leið til að pakka hjólinu sem gerir það ansi mikið léttara.
Síðasti tíminn hjá Magga sjúkraþjálfara og Guðbrandi nuddara fyrir keppni, þeir kvöddu mig með miklum ágætum og óskuðu mér góðs gengis. Djöfull flott lið þessir gaurar.
Það er soldið gaman að fá hvatningu og pressu frá allavega hressandi mannskap í sportinu. Hef aðeins verið að spá hvort ég láti það stíga mér til höfuðs en ég held ekki. Ég er ekki í því leiðinda standi sem ég var í Roth en á móti kemur að ég hef ekki æft mikið eftir Þýskaland í sumar. Ég hef reyndar ekkert æft svo mikið í ár held ég bara. Finnst einhvern veginn að það verði smá kaflaskil með Florida og skiptir árangurinn þar engu máli í því samhengi. Mér finnst að eftir Florida geti ég loksins byrjað aftur í uppbyggingu, slakað á lyft, yoga og svona aðeins “basic” eitthvað. Veit ekki alveg hvað ég er að meina en ég finn það samt. Held það verði bara soldið kúl.
Parísarmaraþonið á næsta ári, tjékk. Við Oddur að fara í Epíska för, frægðarför án nokkurs vafa. Ég ætla mér undir 3 tímana, þetta sem klikkaði í Miami 😦
Við Oddur gerðum bara svona ljómandi ferð til Spánar núna í september. Grunar að Oddur hafi verið að reyna að koma mér í eitthvað form fyrir Florida og vona ég að það hafi tekist. Hef ekkert Brick-að lengi en það hlýtur að koma.
Djöfull langar mig að þetta gangi hjá mér úti. Ef veðrið verður skikkanlegt finnst mér ég eiga að fara nálægt 10 tímunum. Veit ekki alveg hvernig staðan á mér er en ég hef aldrei hlaupið jafn hratt og var fínn á hjólinu á Spáni. Sundið er bara eins og það er.
Járnkarl punktur Com 