Jebb 45 ára í dag. Upp um aldursflokk í IM og er núna yngstur í mínum flokki. Vonandi næ ég að nýta mér það á Florida í næsta mánuði.
Hef verið hjá Magga sjúkraþjálfara og Guðbrandi nuddara einu sinni í viku núna í soldinn tíma. Maggi að djöflast á öxl og hálsi meðan Guðbrandur er aðallega í kálfum og lærum. Ferlega fínt og formið á mér alveg verulega frábært. Veit alveg af þessu læra rugli sem hefur verið að trufla mig en mér hefur þó tekist að hjóla það úr mér þegar ég finn það er að koma.
Við Oddur skelltum okkur til Spánar í viku núna um daginn. Flugum til Alicante með Racer-ana í töskunum. Hörku vindur allan tímann og vorum við í talsverðum átökum alla dagana. Fyrsti var þó sá sem bara af í hjólamennskunni þar sem þar græddum við verulega af brekkum í bót. Hlupum eitthvað en syntum lítið enda mikil alda og talsvert drasl í sjónum. Rúlluðum yfir til Torevella og svo til Benidorm þar sem við borðuðum breska hamborgara. Merkilegir svona breskir borgarar þar sem þeir nota bara kjötfars í þá svei mér þá. Helvíti andstyggilegt.
Fílingurinn sem maður hafði fyrir þessu svæði var sá að annað hvort væri þetta í mikilli niðurníðslu eða væri verið að byggja þarna upp. Reyndar bar ekkert á liði í uppbyggingu þannig að líklega er þetta bara eitthvað ekki gott. Held ég að Mallorka verði frekar fyrir valinu í næstu svona ferð þrátt fyrir mun lengri ferðatíma. Þar er allt á allt öðru leveli til íþróttaiðkunnar. Mjög skemmtilegt.
Hef verið að hlaupa með Laugaskokki. Ferlega gaman þó auðvitað vildi ég helst hlaupa með ÍR. Æfingatíminn klukkan fimm hentar mér bara svo ári illa þar sem ég vinn til fimm og það í Kópavogi. Það vantar ekki klassa þjálfarana í Laugaskokkið en maður er bara orðinn svo mikill ÍR ingur eitthvað fyrir utan auðvitað hvað er gaman að æfa inni á braut þegar fer að vetra. Sjáum til hvernig þetta vinnst.
Var svo ljómandi heppinn að Vífilfell var til í að styrkja mig með Powerade og Hámark. Veitir ekkert af allri þeirri orku sem ég get fengið þessa síðustu og verstu. Er reyndar ekkert í neinu ógnar magni æfingalega séð heldur hef ég meira hugsað um gæði og svo að fara soldið vel með mig. Ég veit að ég get tuðað þetta allt en ég geri ekki nokkurn hlut ef lappirnar verða í sama standi og í Roth í sumar. Ég verð líka að hafa hugfast að ég ætla að nota þessar sömu lappir og sama skrokk eitthvað áfram eftir keppnina og get ómögulega verið að tjóna mig eitthvað óþarflega.
Járnkarl punktur Com 