Jibbí… Brick dagur, sól, gola og fullt af mannskap á flottu hjólunum sínum á leiðinni á Þingvelli. Planið er 3:30 hjól og 30 mín hlaup á eftir. Leggjum af stað úr World Class Mosó klukkan að verða níu. Ég hafði efasemdir um klæðaburðinn, stuttbuxur og race skór á hlífa, mestar áhyggjur af tákulda.
Gat ómögulega látið bíða eftir mér meðan ég hentist eftir skóhlífum þannig að ég ákvað bara að taka sénsinn á þessu. Stoppuðum við Gljúfrastein svona fyrir hefðina en svo skildu leiðir þegar Vignir hætti stuttu seinna enda hann búinn að vera á ferðinni síðan rétt rúmlega sex. Talandi um ruglu. Nokkuð stíft austur, tókum okkur smá pásu við smávörðuholtið en síðan bara brennt þaðan.
Næring og svekkelsi með einokun Ölgerðarinnar á drykkjarföngum og síðan sæmilega pása. Nokkrir, sumir á sinni fyrstu löngu æfingu, héldu í bæinn meðan restin af okkur tók þokkalegan hring í þjóðgarðinum. Síðan bara næstum pásulaust í bæinn enda smá meðvindur og frábært hjólaveður. Maður bókstaflega heyrði Tanið byrja að verkast á manni. Dásamlegt.
Hálftíma skokk um Mosó eftir þetta kláraði síðan æfinguna. Hitti Magga á skíðavélinni enda hann ennþá í hlaupabanni.
Var með Aero brúsann og einn undir sætinu oog var það ekki nóg. Verð að fá mér grind aftan á hjólið til að geta verið með nægan vökva með mér. Leppin Energy var í brúsunum í dag og var það frábært þó ekki væri nema fyrir tilbreytinguna frá bláum Powerade.
Vikan boðar mikinn hressleika. Nú er hraðinn að detta inn af fullum krafti. Krafta sund á morgun, hratt hjól á þriðjudaginn og sprettir (jahúú) á miðvikudaginn. Þá er eins gott að koma svefninum í lag og passa upp á næringuna.
Amen
Járnkarl punktur Com 